O equipo de Goberno do Concello de Ribeira e a Corporación local ao completo reuniuse este luns 26 de febreiro diante do Auditorio Municipal (o Consistorio en funcións mentres duran as obras de reforma da actual Casa Consistorial) para facer unha homenaxe ás vítimas do incendio de Valencia. Os integrantes do Executivo e da Corporación gardaron un minuto de silencio para mostrar o seu pesar polas dez persoas que perderon a vida no lume que afectou a dous edificios da dita cidade. O rexedor ribeirense, Luís Pérez Barral, mostrou o recoñecemento ao traballo desempeñado polos equipos de extinción e de emerxencias ante este tráxico suceso e envioulles as sentidas condolencias ás familias.
