Este domingo 25 de febreiro celebrarase en Noia unha andaina abeirada á Liga Galega de Sendeirismo. Achegaranse dúas distancias: unha curta de 15 quilómetros e outra longa de 25. Os detalles da camiñada foron achegados este martes 20 no Consistorio, nun acto que contou coa presenza dos integrantes do Club Trabandainas (organizador da iniciativa) e, por parte do Concello, dos concelleiros Laura Salgado e Santi Rodríguez.
O prazo para inscribirse na proba remata o 22 de febreiro e non é preciso estar federado para poder participar.
Temos máis información sobre o evento deportivo na web do Club Trabandainas, onde tamén podemos formalizar a inscrición.
Organiza Trabandainas coa colaboración da Deputación da Coruña, o Concello e a Xunta.
Como dixemos, esta andaina forma parte da Liga Galega de Sendeirismo 2024, contemplada no Calendario de Actividades da Federación Galega de Montañismo.
Información da ruta
Data: 25 de Febreiro 2024
Distancia: Rutas Circulares de 25 km e 15km, aprox.
Dificultade: 25km Media-Alta e 15km Media
Peche de Inscricións: 22 de Febreiro, ás 23:59 horas
Entrega de dorsais: dende as 8:00 ata as 8:45 horas
Punto de Saída: IES San Alberto
Inicio da Andaina de Noia 25 km: 9:00 horas
Inicio da Andaina de Noia 15 km: 9:10 horas
Punto de Chegada: Polideportivo do Instituto San Alberto
3 avituallamentos e petiscos ao final da ruta, coa entrega de premio
