Despedíase o decenio dos 60 do século pasado cando coñecín persoalmente a Xosé Manuel Beiras, con quen -anos máis tarde e especialmente no Parlamento de Galicia- mantiven estreita conexión.
O contacto entre ambos os dous comezou coa xeira de conferencias que o profesor e economista dictara na sede do Banco do Noroeste recompiladas na publicación Estructura y problemas de la población gallega editada na Coruña polo Servicio de Estudios do Banco del Noroeste no ano 1970. Foi esta unha das obras económicas de referencia do autor e do sector -daquela incipiente- dunha Galicia que percuraba vieiros que tal ensaio demográfico e económico albiscaba para un futuro que pouco tardou en ir esparexendo as súas enormes posibilidade, como se puido constatar posteriormente.
Este traballo de Xosé Manuel Beiras -seguido moi de preto pola policía franquista, sempre presente nas conferencias do profesor Beiras- recollía nunha ampla análise en profundidade o avellentamento, a emigración e o modelo poboacional galego que outros autores desenvolverían posteriormente apoiados no célebre“O atraso económico de Galicia (1972).
Tódolos medios de comunicación de Galicia recollen o falecemento aos 90 anos de Beiras Torrado acontecido o xoves. Histórico dirixente nacionalista galego deixa unha fonda pegada na historia política, académica e intelectual da Galicia contemporánea.
