O Coliseo Noela de Noia vai proxectar este venres 30 de outubro unha sesión dobre de cinema de terror. Trátase dunha actividade organizada polo Cineclub Claudio Guerín encadrada na festividade do Samaín.
Proxectaranse dous filmes clásicos de horror, en palabras do cineclub local, “dous clásicos do xénero”: por unha banda Nosferatu (1922) de F. W. Murnau, e pola outra A noite dos mortos viventes (1968), de George A. Romero.
A sesión contará coa presentación e coloquio da podcaster Elena Lombao, de BloodyGirls.
Celebrarase como dixemos este venres 30 de outubro a partir das 21:30 horas (con apertura de portas ás 21:10 h).
A entrada será de balde ate completar o aforo.
Será “unha oportunidade para gozar do mellor cine de terror na gran pantalla, nunha noite perfecta para celebrar o Samaín”, informou o Concello, que colabora na actividade.
