A Piscina Municipal da Pobra do Caramiñal retomará a súa actividade o vindeiro 22 de setembro, data na que abrirá finalmente as súas portas ao público.
Desde o Concello agradécese “a comprensión amosada durante estes días” e pídeselles desculpas ás persoas usuarias polas “molestias que o atraso puidese ocasionar”.
Co inicio do novo curso, a previsión é “recuperar a normalidade no servizo e que a veciñanza poida desfrutar plenamente deste equipamento deportivo”, engadiu o Concello.
Para resolver calquera dúbida ou ampliar información, as persoas interesadas poden dirixirse ao Departamento de Deportes municipal.
