Esta semana a rapazada de Escarabote poderá desfrutar dunha sesión de narración oral infantil.
Trémola Teatro vai levar o seu espectáculo O segredo da biblioteca ao Centro Social de Escarabote. A cita será este martes 11 de agosto ás 11.30 horas.
Estamos ante un contacontos participativo no que o público acompaña a Iria nunha aventura chea de misterio. A través de xogos, pistas e libros que falan, nenas e nenos descubrirán o segredo mellor gardado do reino das historias.
Trátase dun espectáculo abeirado ao programa Ler Conta Moito (Secretaría Xeral de Lingua da Xunta).
Trémola Teatro é unha compañía teatral profesional nada a finais de 2017 e fundada por actrices formadas na Escola Superior de Arte Dramático de Galicia. Está dirixida por Paula Regueiro e centra o seu traballo principalmente no teatro infantil, familiar e contacontos, con gran presenza en Galicia, Madrid e Castela-A Mancha.
