As festas de verán de Ribeira entran na súa quinta xornada e este domingo 2 de agosto, Día Dedicado aos Nosos Maiores, contémplase o Orballo Cultural, na praza de España, ás 21.00 horas, cos concertos de Catuxa Salom e Fillas de Cassandra. Tamén soará Nueva Línea, ás 00.30 horas, no Malecón, e, ás 02.00 horas, o DJ Rafa Astray. Nesa mesma xornada haberá ruada, ás 10.00 horas;sesión vermú con música dos 80 e 90, no parque García Bayón, con Dani Fontaíña, ás 12.30 horas; e quedada linedance con Taller Alecrín e Dani Fontaíña, na praza do Concello, ás 20.00 horas. O espectáculo de fogos de artificio, ás 00.00 horas, dende o paseo do Touro porá o broche de ouro ás festas. Ademais, haberá un servizo de préstamo de cascos de redución do ruído a cargo de BarbanTEA, a carón do edificio de Cruz Vermella, no Malecón.
Finalmente e como xa é tradición, no luns, 3 de agosto, polo Día do Neno e da Nena, tódalas atraccións de feira terán prezos populares. O horario sen música e ruído para a inclusividade de persoas neuridiverxentes ou con sensibilidade sensorial e auditiva será tódolos días, de 20.00 a 21.30 horas, na zona das atraccións, coa colaboración de ÁGAPE, BarbanTEA e os feirantes.
Pola sua banda este domingo 2 de agosto celebrase A XXVII Festa do Percebe de Aguiño. Sera no porto da vila dende as 12.00h . Haberá degustacións até esgotar existencias e música en directo para amenizar esta importante celebración gastronómica e cultural. Organiza a Confraría de Pescadores de Carreira e Aguiño.
Calcúlase que se vai distribuír unha tonelada de produto, e que cada ración contará cuns 350 gramos de crustáceo. Previamente farase entrega dos Percebeiros de Honra que este ano serán entregados a José Manuel Vilas (presidente del Xuventú Aguiño) e Ciprián Rivas (presidente do Ateneo Valle-Inclán e impulsor del libro conmemorativo da Confraría) .
