A rúa Alcalá Galiano acollerá os vindeiros días 28 e 29 de agosto a décimo sexta edición do festival Salsa na Rúa, un evento impulsado pola Asociación Cultural Recreativa Haveira en colaboración co Concello de Ribeira, no marco da programación da Fiestra da Cultura.
A presentación oficial contou coa concelleira de Cultura, Ana Barreiro, canda o fundador da entidade, Orlando González, e as alumnas Celia Rodríguez, Lucía Torres, Daniela Laíño e Yanira Bouzón. O certame reunirá a 57 artistas procedentes de cinco escolas de baile de España e Portugal, que ofrecerán disciplinas como salsa, bachata, kizomba zouk e urban zumba, xunto ás sesións musicais de DJ Gerardo e DJ Johnny.
Horarios e actividades de Salsa na Rúa
- Venres 28 de agosto:
- 17:00 a 21:00 h: Obradoiros de baile.
- 21:00 a 01:00 h: Sesión social.
- Sábado 29 de agosto:
- 10:00 a 14:00 h e 17:00 a 19:00 h: Obradoiros de baile.
- 22:00 a 23:30 h: Espectáculos e shows.
- 23:30 a 03:00 h: Peche coa sesión social.
Gala do 25 aniversario de El Tomasón
Como antesala e parte destacada dos actos, a escola de baile El Tomasón celebrará as súas vodas de prata o domingo 23 de agosto no Auditorio Municipal de Ribeira. O evento comezará ás 20:00 horas (apertura de portas ás 19:30 h) cun espectáculo composto por 18 coreografías de diversos estilos latinos e con entrada gratuíta.
