Despregamento de urxencia na tarde deste venres en Ribeira. Dotacións do Parque de Bombeiros de Ribeira, o parque comarcal de A.D.C. Bombeiros de Boiro e a Agrupación de Voluntarios e Servizo Municipal de Protección Civil de Ribeira mobilizáronse tras recibirse a alerta por un incendio rexistrado na cociña duns immoble situado no lugar do Touro.
A ata o lugar dos feitos desprazáronse tamén efectivos da Policía, que colaboraron no aseguramento da zona e no dispositivo de emerxencia.
Segundo as primeiras informacións, o fogo orixinouse na estancia da cociña por causas que se investigan. Grazas á rápida intervención dos servizos de emerxencia, os efectivos puideron controlar e extinguir con presteza as chamas, evitando que a propagación do lume afectase ao resto da vivenda e aos inmobles lindeiros.
Polo momento atópanse realizándose tarefas de ventilación e revisión da estrutura para avaliar a magnitude dos danos materiais causados polo fume e as chamas.
