O ambiente festivo non cesa no concello de Ribeira. Dende este venres 14 ata o domingo 16 de agosto, a parroquia de Olveira celebrará as súas festas patronais na contorna da igrexa de Bretal, cunha programación deseñada para todas as idades que combina música, tradición e xogos populares.
Durante a presentación do programa, o concelleiro de Festexos, Fernando Abraldes, e o presidente da comisión de festas, José Martínez, destacaron o traballo veciñal para sacar adiante estes festexos. “A comisión do lugar fai un enorme labor; estas entidades son imprescindibles para o desenvolvemento destas propostas lúdicas e no Concello de Ribeira estaremos sempre ao seu carón”, sinalou o edil.
Programación completa das festas
Venres, 14 de agosto — Día do Carme
- 10:00 h: Dianas para anunciar o comezo dos festexos.
- 12:00 h: Misa na honra da Virxe do Carme.
- 22:30 h: Gran verbena co grupo Platinum e a Disketoka Móvil (con DJ Jalaiko e DJ Tatami).
Sábado, 15 de agosto — Día de Santa María
- 10:00 h: Dianas e alboradas.
- 13:00 h: Misa na honra de Santa María.
- 13:30 h: Sesión vermú amenizada por Os Chispas 2.0.
- 17:00 h: Inchables infantís con Yumi Yai Park para os máis pequenos.
- 20:00 h: Festa da espuma.
- 20:30 h: Música en directo co Dúo Keima e Abdón Musik.
Domingo, 16 de agosto — Día de San Roque
- 10:00 h: Dianas.
- 12:00 h: Misa na honra de San Roque.
- 13:00 h: Sesión vermú a cargo de Open Drink.
- 17:00 h: Partido de fútbol xúnior mixto.
- 19:00 h: Tradicional partido de fútbol entre solteiros e casados.
