O Concello de Rianxo informou da adxudicación do proxecto destinado a remodelar a zona deportiva situada a carón do Campo de Arriba. En palabras do alcalde, Julián Bustelo, estamos ante “unha actuación que obedece a unha vella demanda das familias rianxeiras dada a falta deste tipo de espazos na vila”.
O proxecto inclúe a creación dun circuíto de calistenia e unha pista deportiva.
A actuación conta cun orzamento total de 48.380,64€.
Para estes traballos o Concello recibiu unha axuda da Consellería de Presidencia, Xustiza e Deportes por importe de 33.866,45€.
“Trátase dunha actuación que obedece a unha vella demanda das familias rianxeiras dada a falta deste tipo de espazos na vila”, informou o Concello. Como dixemos, o proxecto inclúe a creación dun circuíto específico de ximnasia ao aire libre, outra demanda de moitos veciños e veciñas.
Lembrar que o Campo de Arriba vén de ser obxecto de melloras neste mes de agosto, concretamente a zona do parque infantil. Alí os operarios efectuaron traballos de reparación de varios elementos de xogo da zona de ocio infantil, elementos que presentaban diversos desperfectos polo uso da rapazada e polo deterioro do paso do tempo.
