O Concello de Rianxo informou da adxudicación do proxecto para a renovación completa do viario do núcleo do Regueiro, na parroquia de Isorna. A actuación conta cun orzamento de 63.401,56€ e será executada por Movimiento de Áridos y Construcciones de Arosa S.L. Para levar a cabo esta obra o Concello contará cunha subvención da Consellería do Medio Rural da Xunta de Galicia por importe de 52.457 euros, segundo fixo saber o alcalde Julián Bustelo, que engadiu que a actuación consistirá fundamentalmente na limpeza previa das pistas e o seu posterior asfaltado con mestura bituminosa en quente.
