Aguiño prepárase para unha nova cita gastronómica coa décima edición da X Festa da Navalla que servirá entre os comensais uns 600 quilogramos deste bivalvo preparado á prancha a un prezo de 15 euros a ración e amenizado musicalmente por Chiña e Tabernarias.
Trátase dunha cita gastronómica xa consolidada no calendario de verán do concello de Ribeira. O evento terá lugar o vindeiro domingo 9 de agosto de 2026, a partir das 12:00 horas, na contorna do Porto de Aguiño.
Durante a xornada, veñanza e visitantes poderán degustar este preciado marisco das lagoas e costas locais. A cita conta coa colaboración da Cofradía de Pescadores de Aguiño e do Concello de Ribeira, ademais do apoio da Consellería do Mar da Xunta de Galicia e fondos europeos.
O público poderá tamén degustar arredor de 250 quilogramos de sardiña e setecentas racións de empanada e os tíckets empezarán a venderse a partir das 10.00 horas. Así o deron a coñecer a alcaldesa de Ribeira, María Sampedro; o concelleiro de Mar e Festexos, Fernando Abraldes; e o presidente da comisión defestas da parroquia aguiñense, Julio Abraldes, xunto a Teruca Sampedro e Pili Millet, integrantes tamén da entidade.
