O lugar de Comoxo (Boiro) acolle este sábado 18 de xullo un espectáculo do músico multiinstrumentista Paco Nogueiras, que ofrecerá a rapaces e maiores o seu espectáculo C@nto contigo, a partir das 18.00 horas.
C@nto contigo é un espectáculo onde Paco Nogueiras fai un percorrido por cancións dos seus traballos Brinca Vai!, Radio Bulebule e Extra! sacando a nosa lingua a voar de xeito lúdico e divertido. Neste grandes éxitos hai retrousos e cancións para participar activamente, bailando sen complexos, acompañando coa voz, coas palmas ou con acenos.
Paco Nogueiras chega acompañado dos seus instrumentos facendo un percorrido por un amplo abano de estilos musicais, dende o techno ao rock, pasando polo reggae ou a música electrónica, aínda que sen esquecer as influencias tradicionais.
