Este sábado 11 de xullo vaise celebrar a XXXVI edición do Festival Folclórico de Escarabote. Será a partir das 21.00 horas no porto da vila mariñeira boirense.
Organiza a Asociación Cultural Pedra da Aroña coa colaboración do Concello de Boiro.
Nesta edición, o grupo anfitrión compartirá o escenario cunha formación convidada de fóra de Galicia para amosar as súas tradicións, concretamente con Las Refajonas de Níjar (Almería), que viaxan desde Andalucía para amosar a súa música, bailes e traxes típicos.
O festival está impulsado pola Asociación Cultural Pedra da Aroña, unha entidade histórica de Escarabote (Boiro) fundada no ano 1987. Levan case catro décadas dedicados á preservación, ensino e difusión da música e do baile tradicional galego na comarca do Barbanza
