O Coliseo Noela (Noia) vai acoller este sábado 4 de xullo a estrea dunha obra do autor Jorge Gallardo, veciño da localidade, que achega ao público da vila “unha divertida aventura protagonizada por cinco rapaces”.
Trátase da peza xuvenil Cousas estrañas, cuxa representación encádrase na festa de fin de curso da Escola Municipal de Teatro Infantil de Noia.
Será este sábado ás 19.00 horas no Coliseo Noela. A obra cóntanos a historia de Saleta, Daniela, Ismael, Noemí e Daniela Piñeiro, cinco nenos que nunha noite de tormenta son elixidos para salvar á humanidade dun final catastrófico logo de que un lóstrego caia sobre a Igrexa de San Martiño. A entrada será libre até completar o aforo.
