O Concello de Rianxo, a través do seu alcalde, Julián Bustelo, fixo balance das obras que xa foron licitadas no que vai de ano, uns proxectos que consolidan un importante ritmo de investimento público durante a primeira metade de 2026. Segundo fixo saber o Goberno municipal, “esta cifra sitúa ao municipio no camiño de superar os 1,5 millóns de euros licitados ao longo de 2025”.
O rexedor salienta tamén “este volume de investimento responde ao compromiso de seguir mellorando os servizos básicos, renovar infraestruturas e impulsar actuacións que contribúan á calidade de vida da veciñanza, mantendo un elevado nivel de execución e planificación de proxectos durante todo o ano”.
Nesta primeira metade do ano licitáronse xa as seguintes actuacións:
-Ampliación das redes de abastecemento e saneamento no núcleo de Villanustre (Asados) – 197.582€.
-Ampliación da rede de saneamento no lugar de Tronco (Rianxo) – 208.785,50€.
-Ampliación da rede de abastecemento d auga entre Corques e Outeiro (Taragoña) – 90.713,70€.
-Renovación da rede viaria do núcleo do Regueiro (Isorna) – 63.401,56€
-Terceira e última fase do proxecto re renovación das luminarias do paseo marítimo (tramo praia do Pazo – praia da Torre) – 40.000€
-Renovación do alumeado público na vila de Rianxo – 493.257,43€
