O Concello de Boiro realiza unha nova convocatoria das bolsas a estudantes, destinadas a contribuír cos gastos derivados dos estudos postobrigatorios no curso 2026/2027. O alcalde, José Ramón Romero, e o concelleiro de Política Social, Raúl Treus, presentaron a convocatoria de axudas que abrirá nos vindeiros días.
A convocatoria de axudas divídese en dúas liñas, unha delas para o alumnado que cursa os seus estudos dentro do termo municipal e a outra para os que o cursan fóra do concello de Boiro. O alumnado solicitante deberá ser maior de 16 anos; estar empadroado no Concello de Boiro cunha antigüidade mínima de 1 ano; e non ter repetido o curso anterior.
O prazo de presentación de solicitudes será de 15 días hábiles logo da publicación da convocatoria. As solicitudes deberán presentarse no Rexistro Xeral ou sede electrónica do Concello de Boiro.
