- As celebracións terán lugar do 16 ao 19 de xullo coa mítica procesión marítima e o X Festival Folk como pratos fortes.
Xa hai folla de ruta oficial para unha das citas máis agardadas do verán na comarca. O barrio do Castelo, na Pobra do Caramiñal, vivirá os seus días grandes na honra da Virxe do Carme entre o xoves 16 e o domingo 19 de xullo, cunha programación que aposta firmemente pola música tradicional, as actividades familiares e o respecto á identidade mariñeira.
Xoves 16 e venres 17: Bombas, sardiñada e foliada
O arranque oficial das festas a cargo do programa de 2026 A Pobra festa do carmen cartel 2 (Personalizado).JPG terá lugar o xoves 16 co disparo das 21 bombas de palenque ás 12:00 horas. Pola tarde, a música tradicional inundará as prazas coas formacións Arrancadeira e as pandereiteiras As de Sempre, pechando a xornada un concerto no Cantón da Leña ofrecido pola Banda de Música Ateneo Musical da Pobra.
O venres 17 a actividade trasladarase á zona da Covecha a partir das 20:30 horas cunha sardiñada e foliada popular. A noite continuará no adro da igrexa cos concertos de Menestreis e Brumeigho.
Sábado 18: Festa da escuma e o X Festival Folk
A fin de semana comezará cunha intensa xornada de alboradas polas parroquias e o pasarrúas do Ateneo Musical da Pobra. Pensando na cativada, a praza Alcalde Segundo Durán acollerá de 11:00 a 14:00 horas un espazo de inchables con auga e festa da espuma (recoméndase asistir con bañador).
Tras o concerto vespertino nos Xardíns de Valle-Inclán, a praza do alcalde Segundo Durán converterase no escenario do X Festival Folk, que este ano contará coas actuacións de Rianxeiras da Covecha, Faíscas da Pontraga e A Requinta de Lampai, para rematar a madrugada ao ritmo de DJ Jalaiko.
Domingo 19: Procesión marítima con catamaráns
O broche de ouro do domingo 19 arrancará coa animación de rúa de Ghaiteiros do Chimpín e Trécola, e as actuacións da Banda de Música de Padrón. O momento máis emotivo e agardado do cartel de 2026 A Pobra festa do carmen cartel 2 (Personalizado).JPG chegará ás 19:00 horas coa Misa Solemne na igrexa parroquial de Santiago do Deán, cantada polo Coro Parroquial.
Ao remate, sairá a emblemática Procesión Marítima co acompañamento de Arrancadeira e a Banda de Música de Padrón. Para facilitar que os fieis e visitantes poidan seguir a comitiva dende o mar e participar na ofrenda floral polos falecidos, a organización habilitará un total de 3 catamaráns.
