O Concello de Boiro finaliza en Lampón primeira rolda de encontros veciñais nas parroquias no marco do programa Un café co alcalde nos que o rexedor, José Ramón Romero, acompañado dos demais membros do Goberno local, atenderon as principais demandas da veciñanza de cada núcleo.
O alcalde puxo en valor en Lampón as melloras realizadas en núcleos rurais como San Mauro ou e tamén explicou as actuacións previstas como son o pavimentado de dúas rúas que dan acceso ao Porto.
Ademais de explicar os proxectos realizados e aqueles que está previsto se leven a cabo nos vindeiros meses, durante estes encontros o alcalde e demais membros do Goberno tomaron nota das principais demandas e suxestións formuladas pola veciñanza para próximas actuacións.
Estes encontros teñen como finalidade ter un contacto máis directo coa veciñanza e darlles a oportunidade de trasladaren as súas peticións e demandas sen necesidade de ter que desprazarse ao Concello, complementando así as xuntanzas particulares que se manteñen cos veciños a veciñas que o solicitan.
