Este venres 31 de xullo proseguen as concentracións da Plataforma en Defensa Sanidade Pública do Barbanza e da veciñanza en pé de loita pola mellora da atención médica na comarca e en Galicia.
Levaranse a cabo dúas concentracións.
Por unha banda unha concentración diante no Centro de Saúde de Aguiño ás 11:30 horas. Dende a plataforma sinalan que “nesta época estival, co aumento de poboación, non se está cubrindo no Centro de Saúde de Aguiño ningún día, nin siquera parcialmente, a baixa de longa duración (mais de 9 meses) dunha das 2 médicas de familia, xerando importantes atrasos nas citas”.
Por outra banda, ás 12.00 horas celebrarase outra mobilización no Centro de Saúde da Pobra. Reclamarase a apertura do PAC en horario de tarde, e a cobertura das ausencias do persoal.
