A Comisión das Festas do Carme de Cabo de Cruz (coa colaboración do Concello) organiza estas semana, a partir deste mércores 15 de xullo (e ata o venres 17) as Festas do Carme 2026.
Se ben as actividades comezaron este sábado 11 de xullo co torneo de bolos tradicionais no Campo de Triñáns e e o tradicional Partido de Solteirxs contra Casadxs que terá lugar a partir das 17.00h no Campo de Valiño, boa parte das actividades do programa concéntranse nos tres días comprendidos entre este mércores e o venres.
O mércores 15 comeza a programación das festas coas ruadas de Arume e O Ar de Loureda; pola tarde haberá o xogo da cucaña, xogos populares e mesa de maquillaxe; espectáculo infantil de Paco Nogueiras no Subuqueiro; e pola noite verbena con New York, Ráfaga e DJ Rafastray.
O xoves 16, Dia do Carme e festivo local, comezarán as actividades con ruadas de Arume e O Ar de Loureda; ás 11.30h celebrarase a saída da virxe dende a capela ata a Lonxa onde se celebrará a misa cantada e a procesión marítima. Pola noite haberá verbena con Saudade e DJ ManuX e tirada de fogos de artificio. O programa de actividades remata o venres 17 cunha festa ibicenca.
