A parroquia de Cures celebra as súas festas do verán do 10 ao 12 de xullo. A concelleira de Cultura de Boiro, María Outeiral, participou na presentación xunto co presidente da comisión, Javier Calo, e outros integrantes da comisión de festas.
As actividades comezarán o venres 10 con verbena, o sábado celebracións na honra de San Antonio, sesión vermú, actividades para rapazada, torneo de bolos e verbena; e o domingo celebración do Sacramento e sesión vermú. “Preparamos tres días de festa con actos litúrxicos, baile tradicional, verbena… polo que animamos á veciñanza a que participe nas actividades”, recoñeceron por parte da comisión.
A concelleira de Cultura, María Outeiral, agradeceu á nova comisión “polo esforzo que supón organizar unhas festas en tempo récord” e convidou á veciñanza a asistir ás festas de Cures.
