Este xoves 23 pola mañá abrirá a Feira do Libro de Rianxo co pregón de Anxo Angueira, escritor veciño de Manselle (Dodro) e presidente da Fundación Rosalía de Castro, autor de obras capitais da literatura galega como Pensa Nao, Premio Xerais de Novela en 1999.
Ata o domingo estarán habilitadas as casetas no Campo de Arriba con moitas novidades.
A 14ª edición da Feira do Libro de Rianxo 2026 celebrarase do 23 ao 26 de xullo na Praza de Castelao. O lema elixido para este ano polo Concello de Rianxo é A porta a universos infinitos.
O recinto contará con dez librarías e albergará unhas vinte actividades literarias, teatrais, musicais e de divulgación científica.
Entre os moitos autores que participarán en encontros e sinaturas de exemplares destacan Antón Riveiro Coello (que presentará Os Abandonos), Alba López Paredes ou Manuel Esteban.
