Este sábado 11 de xullo de 22 a 01:30 h celebrouse en Ribeira, na Porto do Sol (perante a Igrexa Parroquial de Santa Uxía) a terceira edición da Noite Tradi, organizada pola Asociación Cultural Bailadela e a Concelleria de Cultura de Ribeira.
Contou coa actuación da propia Bailadela, As Setelinguas da AFLM de Aguiño, o dúo tradicional galego Unto Vello e o trío tradicional castelán leonés Delameseta que fixeron as delicias do numeroso publico asistente, que se ben viuse reducido pola tormenta deste sábado polo serán e a coincidencia doutros eventos importantes como a Festa de Aguiño, non decepcionou en canto a implicación, segundo confirmaron as entidades organizadoras.
Participaron unhas persoas sentadas aos que sumaron outro par de centos de asistentes desfrutando de pé dos concertos e dos espectáculos de baile.
O acto comezou coa presentación por parte da mestra de canto e baile tradi, Manola Valiño, acompañada da Concelleira de Cultura, Ana Barreiro que agradeceu á asociación a organización do evento e manter as tradicións abrindo o noso folclore a outros ritmos e melodías como o folk castelán. A actividade estaba encadrada na programación estival municipal denominada A Fiestra da Cultura.
