A comunidade quedará baixo a influencia das altas presións en Centroeuropa e das borrascas do Atlántico, o que favorecerá bancos de néboa pola mañá e nubes medias e altas ao longo do día.
No litoral, as néboas poderán ser especialmente densas nas primeiras horas. Co avance da xornada, o ceo quedará con máis nubes, e non se descartan chuvascos de carácter tormentoso no leste de Lugo e Ourense.
As temperaturas mínimas manteranse sen cambios relevantes, mentres que as máximas baixarán lixeiramente na metade oeste(25 a 30 graos). O vento soprará frouxo do norte-noroeste e virará a suroeste ao final do día.
O noso mar: Vento do norte á mañá, do noroeste á tarde e variable á noite, forza 1 a 3 á mañá, 2 a 4 á tarde e 1 a 2 á noite. Mar ovellado á mañá, marusía á tarde e mar rizado á noite. Visibilidade mala á mañá e á noite e boa á tarde. Mar de fondo do noroeste, con ondas de 0.5 a 1 metros.
