Dende o Museo Valle-Inclán da Pobra do Caramiñal veñen de anunciar o comezo do seu horario de verán co propósito de facilitar o acceso á súa colección e aos seus contidos durante os meses de maior afluencia de visitantes.
Ao longo do mes de xuño, o museo poderá visitarse de mércores a sábado en horario de mañá e tarde. Os luns e martes as instalacións permanecerán abertas unicamente para tarefas internas e atención a persoas investigadoras.
Localizado na histórica Torre de Bermúdez, o museo constitúe un dos principais referentes culturais da Pobra do Caramiñal e ofrece un achegamento á traxectoria vital, literaria e artística de Ramón María del Valle-Inclán a través dos seus fondos e espazos expositivos.
Xunto á visita libre, o centro dispón de diferentes modalidades orientadas a públicos diversos, entre elas percorridos guiados, propostas temáticas e actividades dirixidas a grupos e centros educativos, co obxectivo de favorecer unha experiencia máis completa e participativa.
As persoas interesadas en organizar unha visita ou recibir información sobre os servizos dispoñibles poden contactar directamente co museo a través do teléfono 981 831 545, do WhatsApp 681 684 164 ou do correo electrónico museovalleinclan@apobra.gal.
O Concello da Pobra do Caramiñal continúa así impulsando a divulgación do seu patrimonio histórico e cultural, promovendo iniciativas que contribúan a achegar a figura de Valle-Inclán á cidadanía e ás persoas que visitan o municipio ao longo do ano.
