Muros (Local Social de Surribos a partir das 17.30 horas) acolle este mércores 17 de xuño un encontro para achegarnos á realidade do pobo saharauí. O Concello de Muros súmase ao ciclo de conversas Arredor do té, unha iniciativa que nos convida a escoitar, compartir e comprender a realidade que vive o pobo saharauí desde hai décadas.
A través dun testemuño directo, as persoas asistentes poderán coñecer situación das persoas refuxiadas nos campamentos de Tinduf, a loita pola dignidade e os dereitos humanos, e o papel fundamental das mulleres na resistencia dun pobo que non renuncia á súa identidade nin á esperanza.
“Nun tempo no que a información viaxa rápido pero non sempre chega completa, queremos abrir un espazo para o diálogo, a empatía e a solidariedade”, sinalan os organizadores do acto, engadindo que “detrás das cifras hai vidas, historias e soños que merecen ser escoitados”.
