O DOG publica a regulación da maquinaria agrícola para o período de alto risco de incendios a partir do dia 1
29 Xuño 2026
A Consellería do Medio Rural publicou no Diario Oficial de Galicia (DOG) a orde que regula o emprego de maquinaria agrícola durante o período de alto risco de incendios (que vai do 1 de xullo ao 30 de setembro). Esta normativa aplicarase especificamente naqueles días en que o Índice diario de risco de incendio (IRDI) sexa moi alto ou extremo.
Con esta medida, o departamento autonómico concreta e desenvolve a normativa vixente (tanto estatal coma autonómica) co obxectivo de “facilitar os traballos que sexa necesario seguir levando a cabo durante esta época, ao mesmo tempo que se aporta maior seguridade e prevención nos mesmos ás persoas que empregan esta maquinaria”.
Esta regulación busca compatibilizar a actividade do sector primario coa máxima protección do monte galego nos meses máis críticos do ano.
Actividades permitidas baixo o marco do Pladiga 2026
A nova orde permite realizar actividades de carácter preventivo, silvícola ou agrícola que requiran o uso de maquinaria dentro dos terrenos forestais e as súas zonas de influencia. Con todo, estes traballos deberán suxeitarse aos termos e recomendacións establecidos na actualización do Pladiga 2026, que detalla unha serie de consellos clave no seu capítulo de plan preventivo.
Requisitos estritos para a franja horaria das 12:00 ás 18:00 horas
Para todos aqueles traballos que teñan que desenvolverse inevitablemente no tramo horario de maior calor (entre as 12:00 e as 18:00 horas), a normativa establece dúas obrigas esenciais:
1. Presenza dun observador
Será preciso contar cunha persoa que exerza as funcións de observador. A súa misión será detectar de inmediato calquera posible conato de incendio e dar aviso urxente aos servizos de emerxencia a través de:
Os teléfonos 085 e 112.
A aplicación móbil Alume.
2. Equipamento obrigatorio de extinción
A maquinaria ou o equipo de traballo deberá dispoñer obrigatoriamente do seguinte material de seguridade sobre o terreo:
Un depósito de auga cunha capacidade mínima de 400 litros.
Un extintor de escuma con base de auga de polo menos 6 quilos.
Dous batefuegos.
Unha mochila extintora cunha capacidade mínima de 15 litros.
Ceos de alternancia coa formación de chuvascos treboentos, que serán máis probables na provincia de Lugo. Galicia non abandonará a inestabilidade atmosférica de cara a este domingo 12, Santa Verónica. Despois dunha xornada marcada polas intensas tormentas eléctricas,...
Unha forte tormenta eléctrica e de saraiba en Galicia provocou a activación da alerta laranxa por choivas, concentrándose a maior actividade no sur da Coruña e o norte de Pontevedra, aínda que tamén afectou a Lugo. MeteoGalicia rexistrou máis de 1.700 raios terra en...
Nun comunicado a Asociación Amas de Casa e Aires de Dorna de Ribeira desexa trasladar á cidadanía e aos cidadáns a súa profunda decepción pola situación na que se atopa a solicitude presentada para que unha rúa, praza ou calquera outro espazo público do noso municipio...
Máis de 130 nadadores déronse cita nesta edición, na que un grupo de 13 persoas con dano cerebral adquirido logrou completar con éxito a proba. A solidariedade e o deporte uníronse este mediodía en Vilaxoán coa celebración da 3ª edición da Travesía a Nado Polo Dano...
O verán é unha boa estación para o descanso, a lectura e a reflexión, sen esquecernos do goce da praia ou do monte, segundo as preferencias de cada quen. Cando miramos atrás dámonos conta da experiencia que adquirimos co paso do tempo e dos erros que cometemos, na...
Hoxe foi Boiro. Mañá será outra vila, outra cidade ou outra festa popular de Galicia. Porque o que se viviu esta madrugada non é un feito illado nin unha excepción. É unharealidade que se repite unha e outra vez en numerosos concellos galegos baixo a mirada impasible...
