A semana pasada o Concello de Rianxo asinou con Cazapitas S.L. o contrato de arrendamento dunha parcela municipal de aproximadamente 80.000 metros cadrados. A parcela acollerá un novo proxecto vitivinícola e de recuperación de terras abandonadas no termo territorial.
O acordo foi formalizado entre Julián Bustelo, alcalde de Rianxo, e David Rial, responsábel da empresa.
Centrarase nunha viticultura sostíbel, respectuosa coa tradición local e centrada nas variedades da zona (como as amparadas baixo a I.X.P. Barbanza e Iria).
Cazapitas S.L. é unha empresa de raíz rianxeira que aposta por unha viticultura sostíbel e respectuosa coa tradición galega, recuperando variedades propias como o ratiño ou o raposo (uva branca do Alvariño). A Bodega Cazapitas elabora viños auténticos e de produción moi limitada na zona do Barbanza e Rianxo.
“Con este arrendamento, non só conseguimos iso senón que tamén seremos testemuñas privilexiadas do desenvolvemento dun fermoso proxecto impulsado polo rianxeiro David Rial e os seus socios”, informou o alcalde Julián Bustelo.
O proxecto está ligado a plans de desenvolvemento e dinamización económica e agraria da comarca.
