O Concello de Noia quixo render “unha homenaxe especial” á Taberna O Lelé, que celebrou estes días os seus 101 anos de historia e, en palabras das concelleiras Sandra González e Chelo Martínez, “sendo moito máis ca unha taberna: constituíndose como auténtico símbolo da nosa vila”.
As edís, que felicitaron persoalmente á propietaria da histórica taberna (Fernanda Mantilla), situada no centro histórico da localidade, salientaron que “o Lelé foi punto de encontro de varias xeracións, contribuíndo a dinamizar o casco histórico e formando parte da memoria colectiva de Noia”,
As concelleiras Sandra González Castro e Chelo Martínez fixeron entrega dun ramo de flores como mostra do agradecemento do Concello a unha casa que leva 100 anos abrindo as súas portas e creando comunidade.
A Taberna O Lelé, situada no 5 da praza da Constitución, é a día de hoxe o local hostaleiro máis antigo de Noia. Foi fundada en 1925 por Ángel Matilla. Na actualidade a responsábel do negocio é como dixemos Fernanda Matilla, representante da terceira xeración da saga familiar.
