A xunta de goberno do Concello de Muros adxudicou dúas novas obras de mellora da rede de saneamento municipal.
Por un parte, adxudicou de maneira definitiva unha obra en Tal por importe de 132.750 euros. A actuación será na contorna do Río do Cura, concretamente na zona da Chabola.
A segunda adxudicación, neste caso provisional, é para un proxecto en Agrocovo por importe de 90.400 euros.
“Seguimos desta forma mellorando o saneamento en Muros, unha prioridade de goberno á que xa destinamos dous millóns de euros neste mandato”, explica a alcaldesa, María Lago.
Laura Rivadeneira, concelleira de Obras, engade que “estas dúas actuacións son dous novos pasos para mellorar as infraestruturas básicas das parroquias, reforzando un servizo público esencial como é o saneamento”.
Na xunta de goberno celebrada onte concedéronse tamén tres licenzas de edificación.
