Esta fin de semana vai ser intensa en canto a música se refire en Rianxo. En concreto, celebrarase o Festival de Verán da Escola de Música Municipal ao longo de tres xornadas: o venres 19, o sábado 20 e o domingo 21. As actuacións levaranse a cabo na Sala Arcos Moldes do Auditorio Municipal. Comezarán o venres 19 ás 20.30 horas coas aulas de piano, baixo eléctrico, combo infantil e canto. Proseguirán ás 11.30 horas do sábado 20 de xuño con actuacións das aulas de trompeta, percusión, violín, ensemble de cordas e aula de iniciación musical.
Os recitais proseguirán o sábado 20 pola tarde ás 18.30 horas co alumnado de fagot, óboe, saxofón, trombón, trompa, bombardino, clarinete e banda infantil.
As actuacións rematarán o domingo 21 ás 18.30 horas coas aulas de frauta, guitarra e violonchelo.
