A vindeira semana celebrarase en Noia un contacontos e obradoiro en lingua de signos para nenos e nenas.
O luns 15 de xuño, ás 17:30 horas, o Salón de Actos da Casa da Cultura Avilés de Taramancos será o escenario de Mans que contan, Mans que cantan, unha actividade para descubrir a lingua de signos a través dos contos, a música e o xogo.
A sesión estará dirixida por Tareixa Martínez, mediadora comunicativa e intérprete en lingua de signos, xunto con Aloia Balado.
Lugar: Casa da Cultura Avilés de Taramancos
Idades: de 6 a 10 anos
Prazas: 20
Inscricións a partir do venres 5 de xuño no correo bibliotecamunicipaldenoia@gmail.com, indicando o nome e idade do neno ou nena, os datos da persoa responsábel e un teléfono de contacto.
