Este venres comezan en Rianxo as Festas de San Antón do Pazo, que achegarán actividades culturais, gastronómicas, lúdicas e relixiosas ata o domingo 7 de xuño.
As celebracións arrincarán este venres 5 ao mediodía co estoupido dos primeiros foguetes. Pola noite haberá verbena no Campiño coa orquestra América SL, que actuará de forma continuada dende as 22.45 horas ata as 2.00 horas. Tamén actuará Chocolate Disco Móbil.
Ao día seguinte, sábado 6, haberá música tradicional galega co grupo de gaitas Buxaina, a partir das 10.30 horas, e logo unha sesión vermú con Leijte con Jalletas.
Na tarde do sábado haberá actividades para a rapazada nas leiras do Pereiro con Pazolandia, a partir das 17.00 horas.
Ás 19.00 celebrarase un percorrido polos sitios de costume do Pazo coa charanga. Ás 19.30 horas comezará a festa da escuma para a rapazada.
As 22.30 horas haberá verbena coa Charanga Furruxa, coa Banda de Nahs e con Metrópolis.
O domingo 7 comezará coas alboradas a cargo de Buxaina e logo ao mediodía celebrarase o tradicional paseo do Santo Antón, acompañado da banda de gaitas. Ás 13.00 horas arrincará a misa cantada polo dúo de Ana Isabel Bermo. Logo (ás 13.45) comezará unha sesión vermú con José Manuel (Abanico).
As festas están organizadas pola Comisión de Festas de San Antón de O´Pazo coa colaboración do Concello de Rianxo.
