Este venres 5 de xuño, Airiños, a histórica compañía teatral de Asados (Rianxo) vai celebrar a Mostra de Teatro da Escola de Teatro Airiños, unha actividade enmarcada na edición 2026 das súas Veladas de Primavera, organizadas en colaboración co Concello de Rianxo, a Deputación da Coruña e a Asociación A Leoria.
A cita será nas Escolas Vellas da Atalaia, en Asados.
Participan:
Teatrinclis TV (os máis pequechos) – 20.00 h. Teatrinclis ofrecerá a peza Misterios Misteriosos, a partir das 20.00 horas.
Pataka Makabra (a mocidade) – 21.00 h. Pataka Makabra representará a peza A cambio de nada, a partir das 21.00 horas. A dramaturxia e a dirección corren a cargo de Amantia Coello.
