Este domingo 7 de xuño ás 20:30 horas, a Igrexa de Santa María A Nova acollerá un concerto coral da man dos veciños e veciñas da agrupación coral CantaparaNoia baixo a dirección de Ramón Bermejo.
Será, en palabras do Concello, “dunha oportunidade única para desfrutar dun repertorio diferente nun dos lugares máis emblemáticos da nosa vila, onde a música e o patrimonio se unirán para crear unha fantástica experiencia”.
CantaparaNoia é un coro moderno orixinario de Noia fundado e dirixido polo músico e profesor Ramón Bermejo.
O seu repertorio afástase da coral tradicional e inclúe versións de pop, rock, jazz, swing e góspel. Soen realizar actuacións xunto a outros coros dirixidos por Bermejo, como o Coro da Ra e o OMM Carlos Barruso
