Ademais, dous efectivos de extinción foron atendidos in situ por golpes de calor e queimaduras leves. Varias chamadas ao 112 Galicia pouco antes das catro desta tarde alertaron dun incendio nunha vivenda situada en Tragove, Cambados.
Todos os alertadores coincidían en que había persoas no interior que poderían necesitar asistencia. Así, ademais dos Bombeiros de Ribadumia e dos efectivos do Servizo Municipal de Protección Civil de Cambados, os xestores do 112 avisaron aos profesionais de Urxencias Sanitarias de Galicia-061. Finalmente, tiveron que trasladar a catro veciños afectados e atenderon no mesmo lugar dos feitos a dous membros de emerxencias por golpes de calor e queimaduras leves.
En canto aos danos materiais, o garaxe ardeu por completo. No interior había dous vehículos, unha caldeira e un camping gas, que estoupou.Cómpre indicar que no operativo tamén colaboraron os axentes da Policía Local.
