O destino Barbanza Arousa, formado polos concellos de Rianxo, A Pobra, Ribeira e Boiro, atópase participando no VIII Encontro de Xestores de Destinos Turísticos Intelixentes en Vitoria-Gasteiz.
Este evento, impulsado pola Secretaría de Estado de Turismo, a través de SEGITTUR, reúne a 150 xestores de preto de un centenar de destinos de toda España comprometidos co traballo nos eixos de gobernanza, innovación, tecnoloxía, accesibilidade e sustentabilidade para intercambiar experiencias, establecer sinerxías.
Esta participación forma parte da estratexia da Mancomunidade de mellora continua e de impulso da calidade e de consolidación dun modelo turístico máis competitivo, sostíbel, comprometido coas persoas e adaptado ás novas tendencias da demanda. Supón “unha oportunidade tamén para potenciar a proxección do destino, a identificación de novas oportunidades e o establecemento de sinerxías”, explicaron dende a Mancomunidade, engadindo que este evento “consolídase como un dos principais referentes de intercambio de coñecemento e cooperación entre destinos turísticos intelixentes”.
O destino Barbanza Arousa incorpórase á Rede DTI en outubro 2021 e realiza no verán de 2024 o Informe Diagnóstico e liñas estratéxicas para a súa transformación en Destino Turístico Intelixente. É un destino pioneiro en Galicia en implantar este diagnóstico.
Así mesmo, é un ente xestor turístico que traballa de forma coordinada co sector turístico privado e referente en destino de calidade turística, traballando co SICTED desde 2023 reunindo na actualidade a 69 servizos.
