A Federación de Ateneos de Galicia celebrou este sábado en Trasalba unha homenaxe a Ramón Otero Pedrayo cun programa que reuniu a representantes de distintos ateneos do país e arredor de 120 participantes.
O acto desenvolveuse na Casa Grande de Cimadevila, no Pazo-Museo Otero Pedrayo, e contou cunha recepción inicial coa Banda de Música de Amoeiro, ademais de saúdos institucionais da Fundación Otero Pedrayo, da propia Federación e do Concello de Amoeiro.
A xornada incluíu unha ofrenda poética dos diferentes ateneos e a actuación de Manoele de Felisa, que presentou por primeira vez o disco De Felisa a Otero Pedrayo.
Pola tarde celebrouse un xantar de confraternidade, a intervención da secretaria da Fundación Otero Pedrayo, o visionado do documental Otero Pedrayo, dereito á paisaxe e un percorrido guiado por espazos vinculados ao escritor.
No encontro participaron os ateneos de Vigo, Nigrán, Moaña, Cangas, Marín, Ferrol, Pontevedra, Santiago e Ourense.
