O Edificio Casino de Noia acolle este xoves 4 de xuño unha actividade das Xornadas Alimentos do mar, alimentos da vida, centrada nas algas das nosas rías e os seus múltiples beneficios para as persoas.
A xornada Algas das rías galegas: unha fonte de saúde por descubrir porá o foco nas posibilidades (saudábeis, gastronómicas, comerciais) do reino vexetal do mar, a partir das 19.00 horas no Casino.
A sesión será impartida por Ana B. Crujeiras Martínez, investigadora da Universidade de Santiago de Compostela. Trátase dunha xornada aberta ao público e organizada GALP Costa Sostible. Non será precisa precisa inscrición previa. Despois da conferencia haberá unha degustación de elaboracións con algas.
