A Policía local de Ribeira, o Grupo de Apoio a Emerxencias Municipal (GAEM) e os bombeiros fixeron este luns 15 de xuño unha exhibición de medios a alumnado de infantil e primaria do Colexio Sagrado Corazón de Jesús, na parroquia de Castiñeiras.
Durante esta actividade realizada como antesala ás vacacións do verán, a rapazada puido coñecer o traballo dos profesionais da seguridade e das emerxencias.
Tamén tiveron ocasión de coñecer detalles sobre os seus vehículos e as ferramentas e vestimenta coas que traballan habitualmente, entre eles, un dron.
