Este venres 19, as Rías Baixas e a área de Santiago notarán un certo alivio térmico pola entrada dunha masa de aire atlántica máis fresca. Agárdanse brétemas costeiras nas primeiras horas nas Rías Baixas e néboas en puntos do interior compostelán, que irán disipándose co avance da mañá.
En xeral, os ceos presentaranse con poucas nubes, aínda que pola tarde medrarán nubes de evolución, con posibilidade dalgún chuvasco treboento illado, menos probable no litoral e algo máis factible en zonas do interior.
As temperaturas experimentarán un lixeiro descenso(Máximas de 23 a 27 graos). A partir do sábado empeza a subir de novoa temperatura. Os ventos soprarán do oeste-suroeste, frouxos en xeral, virando a nordés cara ao final do día.
O noso mar: vento variable á mañá, do oeste á tarde e do norte á noite, forza 1 a 2 á mañá e á noite e 2 a 3 á tarde. Mar rizado á mañá e á noite e mar ovellado á tarde. Visibilidade regular á mañá, boa á tarde e mala á noite. Mar de fondo do noroeste, con ondas de 0.5 a 1 metros.
