Este sábado 13 de xuño a veciñanza de Rianxo vai poder desfrutar da retransmisión en directo da ópera Romeo e Xulieta de Charles Gounod. Trátase dunha actividade encadrada no programa de proximidade do Teatro Real de Madrid (Semana de la Ópera) que dará comezo ás 19.30 horas na Sala Arcos Moldes do Auditorio Municipal de Rianxo e que terá unha duración de 3 horas e 10 minutos, con descanso. Será unha función para todos os públicos. Organiza o Teatro Real a través do programa Cerca de ti coa colaboración do Concello de Rianxo.
A base deste espectáculo é a obra inmortal de William Shakespeare reinterpretada polo compositor Charles Gounod. Na produción atópase Thomas Jolly e inclúe un reparto estelar que conta con Nadine Sierra, Javier Camarena, Ismael Jordi e Laurent Naouri, entre outros.
Ópera en cinco actos
Música de Charles-François Gounod (1818-1893)
Libreto de Jules Barbier e Michel Carré, baseado na obra homónima (1597) de William Shakespeare
Estreada no Théâtre Lyrique de París o 27 de abril de 1867
Estreada no Teatro Real o 19 de novembro de 1873
Nova produción do Teatro Real, en coprodución coa Opéra National de Paris
