ULA Libraría Social de Outes (rúa da Capela 11) vai dar acollida esta semana, o venres 26 de xuño a partir das 19.00 horas, á presentación da proposta artística Verbos irregulares da escritora Helena Santolaya: unha cita literaria, visual e lúdica que inclúe un breve espectáculo a cargo da autora.
Verbos irregulares é un proxecto artístico e poético concibido pola polifacética artista visual e escritora aragonesa Helena Santaolaya. Lonxe de ser unha lección de gramática tradicional, trátase dun xogo creativo que explora os límites do linguaxe, as palabras-obxecto e os libros-trasto.
O eixe principal desta proposta céntrase na idea de situar o verbo fóra do seu lugar habitual. A autora xoga cos conceptos lingüísticos para facer unha analoxía coa vida: os “verbos irregulares” son aqueles que non seguen a norma, igual que as persoas ou as situacións que escapan do control e da rutina
