Este domingo 5 de xullo pola mañá a delegación da AECC (Asociación Española Contra o Cancro) en Boiro vai celebrar na vila unha nova xornada de recadación de fondos a prol da investigación da dita doenza e para mellorar a atención, o apoio e a calidade de vida das persoas afectadas pola mesma e das súas familias.
En concreto, o voluntariado da Asociación Española Contra o Cancro percorrerá as rúas do municipio, identificado cos seus característicos chalecos verdes e as tradicionais huchas, para pedir a colaboración e implicación dos veciños e veciñas para avanzar en investigación e na humanización da atención ás persoas con cancro.
Lembrar tamén que a AECC Boiro e o Concello celebraron o 21 de xuño a nova edición da Andaina Solidaria Boiro, en marcha contra o cancro. O percorrido, de cinco quilómetros, serviu para recadar fondos a través das inscricións: 8 euros para persoas adultos e cinco para nenas e nenos.
