O escritor afincado en Boiro, Manuel Losada, coñecido publicamente como “O Stephen King da Arousa”, foi proclamado gañador do VII Concurso Literario Letras Galegas 2026, organizado pola Asociación Cultural Mesa das Verbas de Vilagarcía de Arousa, grazas ao seu relato en galego Non pido perdón.
O autor recollerá o galardón este venres 15 a partir das 18.00 horas no Centro Comercial Arousa.
Este novo recoñecemento chega nun momento especialmente delicado para o escritor, que actualmente atravesa un grave problema de columna e permanece á espera dunha intervención cirúrxica. O recoñecemento tamén pon de manifesto a fortaleza persoal e creativa do autor afincando no Barbanza, xa que apenas unhas semanas despois de publicar dúas novelas e un poemario, Losada logra un novo éxito literario que se suma xa aos oito premios obtidos ao longo da súa carreira.
Pesar á dor física, Manuel Losada continúa plenamente activo no ámbito literario e afronta esta nova etapa “coa escritura como principal refuxio emocional”, sinala o propio escritor
Moi emocionado tras coñecerse o fallo do xurado, Losada asegura: “A dor moitas veces é insoportable, pero o meu verdadeiro alivio non nace da morfina, nace da escritura”.
Considerado unha das voces máis persoais do misterio e o suspense galego actual, Manuel Losada continúa consolidando unha traxectoria marcada por unha intensa produción literaria e unha identidade propia dentro do panorama cultural galego.
