O Concello de Boiro colabora coa Comisión de Festas de Exipto no desenvolvemento da Foliada de Exipto, que se celebra este sábado 30 de maio. A concelleira de Cultura, María Outeiral, participou na presentación do programa de actividades xunto cos membros da comisión.
A foliada arrincara ás 19.30 horas e celebrarase na contorna do Centro Social de Abanqueiro. Contará con 12 grupos tradicionais que participarán na foliada e para o remate haberá actuación de DJ Jalaiko. Ademais, como xa é habitual desta foliada, servirase o bocadillo de luras. “O obxectivo desta festa é xuntar aos veciños e recadar cartos para Romaría que se celebra o primeiro domingo de agosto”, afirmou José Manuel Blanco en representación da comisión.
A concelleira de Cultura, María Outeiral, convidou á veciñanza a achegarse este sábado a Abanqueiro para desfrutar desta foliada e agradeceu a implicación da comisión de festas “porque o seu traballo desinteresado é o que contribúe a manter a tradición das festas nas distintas parroquias”.
