As Rías Baixas e Santiago de Compostela vivirán este venres 10 de abril unha xornada marcada pola estabilidade, con ceos maioritariamente despexados e un ascenso das temperaturas máximas.
O día comezará con presenza de néboas en zonas do interior, que poderían afectar a primeira hora á contorna compostelá, aínda que irán disipándose rapidamente para dar paso a unha situación de ceos pouco nubosos ou despexados en xeral. No litoral das Rías Baixas non se agardan incidencias destacadas, máis alá dalgunhas brétemas puntuais en áreas costeiras do norte galego.
Durante a tarde, o tempo manterase estable tanto en Santiago como no conxunto das Rías Baixas, sen previsión de precipitacións e cun ambiente seco e agradable.
No apartado térmico, as temperaturas mínimas manteranse sen cambios, mentres que as máximas subirán de forma apreciable, deixando unha sensación máis primaveral especialmente durante as horas centrais do día.(máximas entre 24 a 28 graos)
O vento soprará frouxo do leste-nordés, sen grandes incidencias, o que contribuirá a manter a estabilidade atmosférica ao longo da xornada.
O noso mar; vento do norte á mañá, do noroeste á tarde e do norte á noite, forza 1 a 2 á mañá, 2 a 4 á tarde e 3 a 4 á noite. Mar rizado á mañá, mar ovellado á tarde e marusía á noite. Visibilidade boa á mañá e á tarde e regular á noite. Mar de fondo do noroeste, con ondas de 2 a 3 metros á mañá, 1.5 a 2.5 metros á tarde e 1.5 a 2 metros á noite.
