A xornada do martes 7, estará marcada pola influencia das baixas presións situadas ao oeste de Galicia, que introducirán liñas de inestabilidade ao longo do día.
Con esta situación, agárdanse ceos nubrados e chuvascos xeneralizados, que poderán vir acompañados de aparato eléctrico de forma puntual. Estas precipitacións serán menos probables na metade norte da comunidade.
No apartado térmico, as temperaturas experimentarán un descenso notable, deixando valores máis acordes coa época.(máximas 16 a 17 graos)
En canto ao vento, soprará do sur-suroeste con intensidade moderada en xeral, chegando a ser forte no litoral atlántico.
O noso mar: vento do sudoeste á mañá e do sueste á tarde e á noite, forza 4 a 5 á mañá e 4 a 6 á tarde e á noite. Forte marusía. Visibilidade regular á mañá e á tarde e boa á noite. Mar de fondo do noroeste, con ondas de 4 a 4.5 metros á mañá e á noite e 4.5 a 5 metros á tarde.
